Psa 24 | DED | STEP | Dawidingo mitiyegec yofi heiec. Bangeha bangeha nga wiac sasawa bangecfu fede, imoc KEBUAC . Bangectoa bangec nga ngiha ngiha imocac witiau kecdae, yeni sasawa yeac.

Psalms 24

Kuc nga kibikperagiaac ngictau

Dawidingo mitiyegec yofi heiec.

1 Bangeha bangeha nga wiac sasawa bangecfu fede, imocKEBUAC . Bangectoa bangec nga ngiha ngiha imocac witiau kecdae, yeni sasawa yeac. 2 Yennoc bangec meficgema imoc kondungdoku nga dokutoa witinginau faiu seria fede.

3 Ngic merangKEBUAC tikiu naric enude nga merang yeac ama kpetiacfu naric nanude? 4 Mong ye maria nga herea kongaha kecande nga nemuonga mi afeheude amma ikoc mi amma yoac mong mi deserima deude, 5 ye ifi kecmanuKEBUNGO ye keneheu Anutu ebicfunac mesimesi minginango ye ngic dindingac demiude. 6 Ngicareng Anutu hofocandae, yeni siricngina ifi. Yeni Yakoboac Anutu, yeac kicfu nambeso ayemmede.Selac

7 Nagutoa ngeni hereema witigec. Nagu feengkecdae, ngeni kuc nga kibikperagiaac ngictaungo ereudeac hereema kunengngoc witigec. 8 Nga kuc nga kibikperagiaac ngictau imoc merac? YeKEBU kuctoa mingina ammaKEBU yennoc dzikacfu firang angkecde.

9 Nagutoa ngeni hereema witigec. Nagu feengkecdae, ngeni kuc nga kibikperagiaac ngictaungo ereudeac hereema kunengngoc witigec. 10 Nga kuc nga kibikperagiaac ngictau imoc merac? YeKEBU wasai habuya habuya yeneac kunengngina, yennoc kuc nga kibikperagiaac ngictau.Selac